சாதிகள் உள்ளதடி பாப்பா!

சாதிகள் உள்ளதடி
பாப்பா!

குலம் உயர்த்திச் சொல்வது
இங்கு கூடும்.

கடைநிலை
இடைநிலை
உயர்நிலை

இதுவே
இதன் வாய்ப்பாடு 

புதிய
அரசியல் வழிப்பாடு!

அன்று!
சாதிக்கு ஒரு நீதி
வேண்டும் என்ற கோட்பாடு ...

இன்று
சாதிக்கு ஒரு நீதிபதி
வேண்டும் என சொல்லோடு
சாதிச் சங்கங்கள் கூப்பாடு...

தேர்வு எழுத போனாலும்
வேலை தேடிச் சென்றாலும்
சாதிச் சான்றிதழ் வேண்டும்
என்ற நிலைப்பாடு...

மீண்டும்
சாதிகள் உள்ளதடி
பாப்பா!

குலம் உயர்த்திச் சொல்வது,
இங்கு கூடும்.
இதுதான் இன்றைய நிலையின்
வெளிப்பாடு...